10:04 PM
namaste Tanahun
No comments
तनहुँको मिलुङ गाउँ विकास समिति-२ रतनपुरमा स्थानीय बासिन्दाले श्रमदानमा पाटी निर्माण गरेका छन् । एक लाख ५० हजार रूपैयाँबराबरको श्रमदानबाट उक्त पाटी निर्माण गरिएको समाजसेवी गोबिन्द ढकालले बताउनुभयो । पाटी निर्माण भएपछि गर्मीमा शीतल, घाम र पानीका बेला ओत लाग्ने थलो बनेको उहाँले जानकारी दिनुभयो । रतनपुरका बासिन्दाको दिनरात खटेर पाटी निर्माण गरेको बताइएको छ ।
9:51 PM
namaste Tanahun
No comments
पोखरा, (नेस), जिल्ला विकास समिति कास्कीले कास्की हेमजा गाविसको फेदीदेखि तनहँुको सीमा कोत्रेसम्म छ लेनको सडक निर्माण गर्न सरकारसित माग गरेको छ। छ लेनको सडकले यातायात सहज हुने विश्वास समेत जिविसले लिएको छ।
छ लेनको सडक निर्माणसँगै जिविसले पोखरा चक्रपथ निर्माणको लागि आवश्यक बजेट विनियोजनको लागि सरकार समक्ष आग्रह गरेको छ। जिविसको १९ औं जिल्ला परिषदले भने चक्रपथ निर्माणको लागि आवश्यक बजेट विनियोजन गरिएको छैन्।
पोखरामा सवारी साधन थपिने क्रमले भैरहेका सडकहरु साँघुरो बन्दै गएका छन्। मुख्य शहरी क्षेत्रमा गुड्ने सवारी साधनले राजमार्गहुदैं पोखराबाट बाहिरिने सवारी साधनले घण्टौंसम्म जाम गर्ने समस्याले जिविसले पोखरामा चक्रपथ निर्माण अनिर्वाय भएको ठहर गरेको छ। चक्रपथ निर्माण अत्यावश्यक बनिसकेको छ। स्थानीय विकास अधिकारी गुरुप्रसाद सुवेदीले भन्नुभयो-चक्रपथ बनाउने मेगा प्रोजेक्टको लागि सरकार समक्ष अनुरोध गर्नुको अर्को विकल्प छैन्।
भूपी शेरचन राजमार्ग अन्तर्गतको फेदीदेखि पृथ्वीराजमार्ग अन्तर्गतको कोत्रेसम्मको झण्डै ३५ किलोमिटर सडकलाई छ लेन बनाईए राजमार्गमा हुने ट्राफिक समस्या समेत हल हुने विश्वास जिविसले गरेको छ। जिविसले सडक पुर्वाधारको लागि ४९ करोड ७२ लाख ५० हजार रुपियाँ विनियोजन गरेको छ। तर छ लेनको सडक र चक्रपथको लागि भने बजेट छुट्टयाएको छैन्।
समितिले यसै आर्थिक वर्षमा सडक निर्माण लगायत विभिन्न कार्यक्रमको लागि दुईअर्ब ६२ करोड २० लाख रुपियाँ खर्च गरिसकेको छ। जिविसले आउँदो आर्थिक वर्षको लागि दशकिलोमिटर सडक कालोपत्रे गर्ने दुईसय किलोमिटर सडकलाई स्तरोन्नति सोही अनुपातको सडकलाई नियमित गर्ने र दुईवटा मोटरेवल पुल निर्माण एउटा कजवे र दुईवटा कलर्भट निर्माण गर्ने लक्ष्य अगाडि सारेको छ।
9:40 PM
namaste Tanahun
No comments
काठमाडौं, फागुन ६- कुबेतको सुबियास्थित रिजनल गेट निर्माण कम्पनीमा सवारी चालकका रूपमा कार्यरत ५९ जना नेपाली अलपत्र परेका छन्। नेपालका विभिन्न म्यानपावर कम्पनीबाट गएका उनीहरूलाई एक साताअघि मध्यरातमा जबर्जस्ती बसमा राखी मरुभूमिबीचमा ल्याएर छाडिएको छ। 'एक साता भयो, हामीलाई यहाँ जबर्जस्ती छाडिएको,' मोरङ इटहरा-६ का होमनाथ पोखरेल, २५, ले कुवेतको मिन अल्लाहबाट नागरिकसँग टेलिफोनमा भने, 'मरुभूमिको बिचमा केही नभएको घरमा छाडिदिएका छन्। न पानी पाइन्छ, न खानेकुरा नै।'
अलपत्र पर्ने सबै दुईदेखि सात महिनाअघि भिजिट भिसा (१४ नम्बर भिसा) मा कुबेत पुगेका थिए। लामो समय गैर कानुनी रूपमा कम्पनीले भिजिट भिसामै काम गर्न लगाएपछि उनीहरूले वर्किङ भिसा र सवारी चालक अनुमतिपत्र (लाइसेन्स) उपलब्ध गराउन दवाब दिएका थिए।
'बिनालाइसेन्स गाडी चलाउँदा कुनै पनि बेला हामीलाई यहाँको प्रहरीले पक्रन सक्थ्यो। यसरी गाडी चलाउँदा दुर्घटना भए हामीले बिमा रकम समेत पाउँदैनौं,' भिसा र लाइसेन्स बनाउन दवाब दिनुको कारण पोखरेलले बताए।
'वर्किङ भिसा, सवारी चालक अनुमतिपत्र केही मिल्दैन। तिमीहरू काम गरे गर, नगरे नगर भन्दै हामीलाई फागुन २९ गते बसमा राखी यस्तो ठाउँमा छाडेर गए,' पोखरेलले भने, 'भिजिट भिसामा काम गर्न नै मिल्दैन तर हामीलाई यही भिसामा यत्रो महिना काम लगाइएको थियो।'
एक सातादेखि चिसो भुईंमा रात बिताउँदै आएका उनीहरूले बिहान एउटा रोटी र बेलुकीमात्र खाना दिइएको बताए। पोखरेलका अनुसार उनीहरूलाई त्यहाँ ल्याएपछि कम्पनीका मान्छे भेट्न आएका छैनन् भने त्यहाँ रहेका केही नेपाली संघसंस्थाले एक छाक खानेकुरा उपलब्ध गराएका छन्।
'यहाँ बत्ती, खानेपानी, ग्यास केही छैन,' अलपत्र परेका दोलखा जुङ्गुका नवराज बस्नेतले भने, 'बस्ती भएको ठाउँमा पुग्न झण्डै २ घण्टा मरुभूमिको बाटो छिचोल्नुपर्छ।'
बस्नेतका अनुसार उनीहरूलाई कुबेतको भिसा झिकाउने एजेन्ट चितवनका रामचन्द्र सुवेदीकै अगाडि कम्पनीले गलहल्याएर बसमा हालेको थियो। विवाद बढेपछि नेपाली कामदारले एजेन्ट सुवेदीलाई कम्पनीमै डाकेका थिए। कम्पनीले बसमा चढाई मिन अल्लाह ल्याई छाडेपछि नेपाल नफर्कन्जेल खानेबस्ने सम्पूर्ण व्यवस्था मिलाउने आश्वासन दिएर फुत्केका सुवेदी पनि सम्पर्कमा छैनन्।
एजेन्टले पनि धोका दिएपछि उनीहरूमध्ये केही समस्या सुनाउन कुबेतस्थित नेपाली दूतवास पुगेको थिए। दुई दिनसम्म आफ्ना गुनासो सुनाउँदा पनि दूतावासबाट कुनै सुनुवाइ नभएपछि उनीहरू निरास भएर फर्केका थिए। 'दुतावासले हुन्छ हामी उद्धार गछौं भन्छ, अहिलेसम्म केही गरेको छैन,' अलपत्र परेका हेटौंडाका हिरा थापाले भने।
काठमाडौं रहेका डिलक्स म्यानपावर, फ्युचर स्टार म्यानपावर, युथ म्यानपावर, केएसए म्यानपावर, भिक्टोर ओभरसिजलगायतका म्यानपावर कम्पनीबाट गएका उनीहरूलाई कम्पनीले पछिल्लो महिना तलबसमेत नदिएको गुनासो उनीहरूको थियो।
कुबेतमा अलपत्र परेकाहरू :
१. होमनाथ पोखरेल इटहरा-६, मोरङ
२. हिरा थापा हेटौडा
३. सरो तामाङ ठूलोपाखर- २, सिन्धुपाल्चोक
४. असीम तामाङ सितापाइला, काठमाडौं
५. जनककुमार श्रेष्ठ खरिढुंगा, दोलखा
६. सन्तोष तामाङ माईस्थान, महोत्तरी
७. शिवराज चापागाइ -
८. नगेन्द्रप्रसाद काफ्ले दमक, झापा
९. गोवीन्द तिवारी चाउथे, पोखरा
१०. प्रमोद कोइराला चितवन
११. मनरथ न्यौपाने इटहरा-६, मोरङ
१२. कनक वहादुर गोले पनौती, काभ्रे
१३. मानकुमार श्रेष्ठ नवलपरासी
१४. निलकन्ठ भट्टराई जाँते- ९, मोरङ
१५. ओमबहादुर भण्डारी दुलारी- ५, मोरङ
१६. कृष्णप्रसाद नेम्वाङ झापा
१७. आधाङ नेम्वाङ झापा
१८. बुद्धिहाङ लिङ्देल झापा
१९. नरेश श्रेष्ठ काभ्रे
२०. जङवहादुर खान स्याङ्जा
२१. पूर्णसिंह गुरुङ लम्जुङ
२२. जीवन मल्ल नवलपरासी
२३. वलराम राई धनकुटा
२४. निराजन श्रेष्ठ काठमाडौं
२५. मोहन प्रधान इटहरी
२६. अशोक इटानी चितवन
२७. गोपाल श्रेष्ठ काभ्रे
२८. राजेन्द्र भण्डारी नवलपरासी
२९. बुद्धिनाथ ढकाल दमक
३०. नवराज बस्नेत दोलखा
३१. फडिन्द्र खत्री उदयपुर
३२. रामहरइ आङ -
३३. मिलन तामाङ धादिङ
३४. याम वहादुर खवास धरान
३५. पासाङ् दिङ शेर्पा सोलुखुम्बु
३६. सुवीन्द्र धिमाल मोरङ
३७. रामप्रसाद पोखरेल मोरङ
३८. दिलवहादुर विश्वकर्मा दाङ
३९. लम्बी घिसिङ मोरङ
४०. मिनबहादुर वाईबा रामेछाप
४१. रामबहादुर ढकाल धादिङ
४२. पविन्द्र थिङ सिन्धुली
४३. रामशरण आचार्य नुवाकोट
४४. विदयक कुमार लामा रामेछाप
४५. रमेश विश्वकर्मा -
४६. पासाङ खेत्र संखुवासभा
४७. शरण लाल सिन्धुली
४८. पेमा लामा काभ्रे
४९. आसमान मोक्तान सिन्धुपाल्चोक
५०. ठूले तामाङ सिन्धुपाल्चोक
५१. मनीकुमार श्रेष्ठ काभ्रे
५२. मिठुकाजी तामाङ काभ्रे
५३. टेकबहादुर लामा काभ्रे
५४. दिल्पु लामा काभ्रे
५५. लावाङ लामा काभ्रे
५६. मेघनाथ पण्डित चितवन
५७. कृष्णबहादुर कार्की चितवन
५८. मदन ताम्राकार भक्तपुर
५९. अमित खड्का सिन्धुली
3:56 AM
namaste Tanahun
No comments
दमौली, चैत । तनहुँ लमजुङ र गोरखा जिल्लाका किसानलाई समेट्ने गरी व्यास-३ रानीगाउँ नजिकै दुग्ध प्रशोधन कारखाना बन्ने भएको छ । रु ६१ लाखको लागतमा दुईतले पक्की भवन निर्माण गरिने तनहुँ जिल्ला दुग्ध उत्पादक सहकारी सङ्घका अध्यक्ष अमरबहादुर कुँवरले बताउनुभयो ।
कोल्डस्टोर स्टोर कार्यालय र समीक्षा हल रहने गरी दुग्ध प्रशोधन कारखाना बनाउने तयारी भएको जानकारी उहाँले दिनुभयो । उद्योग निर्माणका लागि कृषि तथा सहकारी मन्त्रालयले सहकारी सदृढीकरण कार्यक्रमअन्तर्गत यस वर्ष रु २५ लाख उपलब्ध गराएको बताइएको छ । तनहुँ जिल्ला दुग्ध उत्पादक सहकारी सङ्घले बसे्रनि दूध तथा दुग्धजन्य पदार्थको बिक्री वितरणबाट रु तीन करोडको कारोबार गर्दै आएको छ
तपाईंलाई काम लाग्ने केहि उपयोगी सामाग्रीहरु :-
