11:39 PM
namaste Tanahun
रौतहट, चैत १० - आजदेखि सुरु भएको प्रवेशिका परीक्षामा अमर्यादित काम गरेको भन्दै यहाँ एकजना प्रधानाध्यापकसहित १८ जना परीक्षार्थीलाई पक्राउ गरिएको छ। मावि सखुवाका प्रधानाध्यापक द्वारिका राउतलाई गरुडा परीक्षा केन्द्रमा चिट चोराइरहेको अवस्थामा प्रहरीले पक्राउ गरी इलाका प्रहरी कार्यालय गरुडामा राखेको छ। जिल्लाको पिपरापोखरीया परीक्षा केन्द्रमा चिट चोराउन आएको समूह र प्रहरीबीच केहीबेर झडपसमेत भएको छ।यसैगरी जिल्लाको गरुडा, गौर, मलाहीलगायतका परीक्षा केन्द्रबाट १८ जना परीक्षार्थी पक्राउ परेका छन्। रौतहटका २४ वटा परीक्षा केन्द्रमध्ये अधिकांश केन्द्रमा शिक्षक आफैँले चिट चोराइरहेको पाइएको छ। रौतहटमा यसवर्ष छ हजार ९५९ नियमित र १३५ एक्जाम्टेड परीक्षार्थी छन्।
गार्डका रुपमा खटिएका शिक्षक र केन्द्राध्यक्षको मिलेमतोमा परीक्षा केन्द्र भित्रै गाइड र फोटोकपी प्रयोग गरेर चिट चोराएको पाइएको छ। -रासस
६६ वर्षीय वृद्धाले दिए परीक्षा-
पर्सा - शिक्षा आर्जन गर्नका लागि उमेरले छेक्दैन भन्ने उदाहरण पर्साका एक वृद्धले दिएका छन्। आजबाट सुरु भएको प्रवेशिका परीक्षामा सामेल विजयवस्तीका ६६ वर्षीय आशबहादुर गुरुङले यस्तो सन्देश दिएका हुन्। जिल्लाको अति विकट बस्ती ठोरीमा रहेको सरस्वती उच्च माविबाट दस पास गरेका गुरुङले विजयवस्ती केन्द्रबाट परीक्षा दिइरहेका छन्।
पढाइको चाहना पूरा गर्नका लागि आफू परीक्षा दिन आएको र उत्तीर्ण भएपछि उच्च शिक्षा पनि हासिल गर्ने चाहना रहेको उनले बताए।
पर्सामा यस वर्षको प्रवेशिका परीक्षामा सबै गरेर पाँच हजार ४५५ परीक्षार्थी सामेल भएको जिल्ला शिक्षा अधिकारी केदार तिवारीले जानकारी दिए।
सदरमुकाममा १२ सहित जम्मा १८ वटा परीक्षा केन्द्र जिल्लामा तय गरिएको छ।
यसैबीच एसएलसी परीक्षामा प्रश्नपत्र आउट गरी फोटोकपी गरेर बिक्री गर्ने ट्युसन सेन्टरका सञ्चालकसहित १९ जनालाई प्रहरीले रङ्गेहात पक्राउ गरेको छ।
एक परीक्षा केन्द्रका केन्द्राध्यक्ष र सहकेन्द्राध्यक्षलाई चिट चोराउन सघाएको आरोपमा नियन्त्रणमा लिइएको छ।
विराटनगर–१४ मा रहेको एक्सल ट्युसन सेन्टरका सञ्चालक मनिष स्वर्णकारसहित प्रश्नपत्र फोटोकपी गरेर परीक्षा केन्द्रमा लगी बाँड्न सघाउने १७ जनालाई पक्राउ गरेको हो।
प्रहरीले १६ जनालाई प्रश्नपत्रसहित र सञ्चालक स्वर्णकारलाई पाइखानाभित्र लुकेर बसेको अवस्थामा पक्राउ गरेको हो।
गार्डका रुपमा खटिएका शिक्षक र केन्द्राध्यक्षको मिलेमतोमा परीक्षा केन्द्र भित्रै गाइड र फोटोकपी प्रयोग गरेर चिट चोराएको पाइएको छ। -रासस
६६ वर्षीय वृद्धाले दिए परीक्षा-
पर्सा - शिक्षा आर्जन गर्नका लागि उमेरले छेक्दैन भन्ने उदाहरण पर्साका एक वृद्धले दिएका छन्। आजबाट सुरु भएको प्रवेशिका परीक्षामा सामेल विजयवस्तीका ६६ वर्षीय आशबहादुर गुरुङले यस्तो सन्देश दिएका हुन्। जिल्लाको अति विकट बस्ती ठोरीमा रहेको सरस्वती उच्च माविबाट दस पास गरेका गुरुङले विजयवस्ती केन्द्रबाट परीक्षा दिइरहेका छन्।
पढाइको चाहना पूरा गर्नका लागि आफू परीक्षा दिन आएको र उत्तीर्ण भएपछि उच्च शिक्षा पनि हासिल गर्ने चाहना रहेको उनले बताए।
पर्सामा यस वर्षको प्रवेशिका परीक्षामा सबै गरेर पाँच हजार ४५५ परीक्षार्थी सामेल भएको जिल्ला शिक्षा अधिकारी केदार तिवारीले जानकारी दिए।
सदरमुकाममा १२ सहित जम्मा १८ वटा परीक्षा केन्द्र जिल्लामा तय गरिएको छ।
यसैबीच एसएलसी परीक्षामा प्रश्नपत्र आउट गरी फोटोकपी गरेर बिक्री गर्ने ट्युसन सेन्टरका सञ्चालकसहित १९ जनालाई प्रहरीले रङ्गेहात पक्राउ गरेको छ।
एक परीक्षा केन्द्रका केन्द्राध्यक्ष र सहकेन्द्राध्यक्षलाई चिट चोराउन सघाएको आरोपमा नियन्त्रणमा लिइएको छ।
विराटनगर–१४ मा रहेको एक्सल ट्युसन सेन्टरका सञ्चालक मनिष स्वर्णकारसहित प्रश्नपत्र फोटोकपी गरेर परीक्षा केन्द्रमा लगी बाँड्न सघाउने १७ जनालाई पक्राउ गरेको हो।
प्रहरीले १६ जनालाई प्रश्नपत्रसहित र सञ्चालक स्वर्णकारलाई पाइखानाभित्र लुकेर बसेको अवस्थामा पक्राउ गरेको हो।
