महेन्द्रपुलबाट सेतीमा हाम फालेकी युवतीको उद्धार

पोखरा, साउन २९ ।
पोखराको महेन्द्रपुलबाट हामफालेकी ललिता वर्माको सकुशल उद्धार गरिएको छ ।सोमबार दिउँसो करिब पौने ३ बजे सेती नदीमा हामफालेकी नवलपरासी घर भई महेन्द्रपुलमा बस्दै आएकी २४ वर्षिया यूवती वर्माको प्रहरी र नेपाली सेनाको टोलिले सकुशल उद्धार गरेको उद्धारमा संलग्न प्रहरी निरिक्षक प्रकाश श्रीमलले जानकारी दिनुभयो ।
पुल नजिकैबाट हामफालर नदीको सतह भन्दा केही माथी अड्किएको अवस्थामा रहेकी उनलाई करिब ४५ मिनेटपछी उद्धार गरिएको उहाँले बताउनुभयो । वर्माको पश्चिमाञ्चल क्षेत्रीय अस्पतालमा उपचार भईरहेको छ । चिकित्सकका अनुसार उनको अवस्था मध्यम छ ।
आफै हामफालेपनि हामफाल्नुको कारण भने खुल्न नसकेको प्रहरी निरिक्षक श्रीमलले बताउनुभयो ।

Read more »

मृगौला पीडित तीन वर्षिय वालकको उपाचारका लागि सहयोगको याचना

शेव नै धर्मा हो

स्याङ्जा, साउन २४ । स्याङ्जा जिल्ला, चिलाउनेवास गाविस वडा नं ५ का ३ वर्षिय मृगौला पीडित वालक समिर पौडेलको उपचारका लागि उनका परिवारले सहयोगको याचना गरेका छन् ।
गत असार ३ गते सामान्य रुघा खोकीको समस्या देखिएपछि अस्पताल भर्ना भएका बालकको मृगौंलामा समस्या देखिएको वुवा रमाकान्त शर्माले वताउनु भयो । उहाँका अनुसार समिरको उपचारका लागी २ लाख रुपैँया खर्च भइसकेको र थप उपचारको लागी घरको आर्थिक अवस्था अत्यन्तै कमजोर भएका कारण सवैसगँ सहयोगको याचना गर्नुभएको छ ।
अहिले समिरको पोखराको मणिपाल शिक्षण अस्पतालमा उपचार भइरहेको छ । शरीर पुरै सुनिएकाले स्वास्थ्य अवस्था अत्यन्त नाजुक भएको उपचारमा संग्लग्न चिकित्सकले बताईएको छ । ज्याला मजदुरी गरी परिवारको पेट पालेका समिरका वुवा अहिले छोराको उपचारमा भौतारिरहँदा मजदुरी गर्न समेत नपाएकाले परिवारको विचल्ली भएको गुनासो गर्नुभएको छ । पोखरामा उपचारका लागि बस्दा समेत खान बस्नको समस्या भएको उहाँले बताउनुभयो ।
समिरलाई सहयोग गर्न चाहनेले गरिमा विकास वैकको खाता नं ००५०००००३२०६ जुनसुकै शाखावाट पनि जम्मा गर्न सक्नु हुनेछ ।

Read more »

नाङ्गिएर जितको खुसी मनाए

 कस्तो मज्झा 

२८ साउन तनहुँ  । लण्डन ओलम्पिकमा स्वर्ण पदक जित्ने खेलाडीहरुको खुसी मनाउने तरिका आ-आफ्नै छ । विश्वका तिब्र गतिका धावक जमैकन यूसेन बोल्टले २ सय मिटर दौडमा स्वर्ण जितेपछि क्यामारा निकालेर दर्शकहरुको तस्वीर खिचे । जमर्नका एक खेलाडीले डिस्कस थ्रोमास्वर्ण जितेपछि यस्तो जोश आयो कि आफ्नै कपडा च्याते ।

बेलायतका एक खेलाडीले भने पदक जितेपछि नांगिएर खुसी मनाएका छन् । उनी मैदानमा नै भने नाङ्गएिका हैनन् । हाईजम्पमा स्वण जितेका बेलायतका एथलेट रोब्बी ग्राबार्जले खेलगाउको आफ्नो कोठामा पुगेर नाङ्गएिको तस्वीर ट्वीट गरेका हुन् ।

तस्वीरमा उनले आफ्नो घाँटीमा मेडल झुण्ड्याएका छन् भने बेलायतको झण्डाले आफ्नो गोप्य अंग छोपेका छन् । उनको अनुहारमा सन्तुष्टिको भाव झल्किएको हाँसो छ ।

Read more »

नांगै युवतीको जिउमा परिकार पस्कने रेस्टुरेन्ट

नांगा तरुनीका जिउमा खानेकुरा राखेर टक्राइन्छ भने तपाइँलाई कस्तो अनुभुति होला ? वास्तवमा यस्तो हुनै नहुने बकमफुस्से कुराको कल्पना किन गर्नु भन्ने तपाइँलाई लाग्नसक्छ । तर यो कुनै कल्पनाको कुरा होइन । अमेरिकाको एक रेष्टुरेन्टले अब नांगा मोडेलका सरीरमा खाना टक्राएर ग्राहकको भोट मेटाउने भएको छ ।

अमेरिकाको फ्लोरिडास्थित एक रेस्टुरेन्टले यस्तो सुविधा दिने भएको हो । जापानी परिकार खुवाउने उक्त रेस्टुरेन्टमा अब ५ सय डलर तिरेपछि अगाडि तेर्सिएका नांगा मोडेलको छाति तथा गुप्तांगमाथि राखिएको भोजन कपाकप खान पाइनेछ । यसरी नांगा मोडेलका छातिमाथिबाट सुशी तथा साशिमी जस्ता जापानी भोजन टप्प टिपेर खाने इच्छा भएमा गोजी केही गरम पारेर मियामीको कुंग फु किचेन रेष्टुरेन्टमा गए पुग्छ ।
उक्त रेष्टुरेन्टका मालिक नाथन लिबरम्यानले आफुले यस्तो सेवा प्रदान गर्ने मोडेलहरु मोडलिङ एजेन्सीबाट भाडामा ल्याउन थालेको भन्दै अहिले रेष्टुरेन्टमा काम गरिरहेका केही युवतीहरु समेत ग्राहकलाई आफ्नो नांगो जिउमा खाना खुवाउन तयार भएका बताएका छन् ।
तर यो रेष्टुरेन्टमा नांगा मोडेलको सरीरलाई थाल बनाएर खाना खाँदा केही नियम भने पूराउननै पर्छ । ग्राहकले हात राम्ररी सफा गरेको हुनुपर्छ भने हातले केवल खानेकुरा मात्र टिप्न पाइन्छ तरुनीको जिउमा बढि छुन पाइन्न । स्मरण रहोस् यसरी नांगो जिउमा खाना खुवाउने मोडेलहरुको गुप्तांग केराको पातले ढाकिएको हुन्छ भने स्तनमाथि पनि भाँडो राखिएको हुन्छ ।

Read more »

खगेन्द्रको किर्तिमान जुनरेले खोसे (फोटो फिचरसहित

२९ जेठ, काठमाडौं । नेपालका खगेन्द्र थापा मगरको विश्वका सबैभन्दा होचा मानिसको उपाधि गुमेको छ । गिनिज वर्ड रेकर्डसले आइतबार फिलिपिन्सका १८ वर्षीय जुनरे बलाविङलाई विश्वका सबैभन्दा होचा मानिस घोषणा गरेको छ ।

यसअघि उक्त किर्तिमान खगेन्द्रका नाममा थियो । आइतबार १८ वर्ष पुरा गरेका बालाविङको उचाई २३ दशमलव ५ इन्च अथार्त ६० सेन्टिमिटर छ ।

१८ वर्षको उमेरमा खगेन्द्रको उचाई भने २६ दशमलव ४ इन्च अर्थात ६७ सेन्टिमिटर थियो । फिलिपिन्सको सिडानगन शहरमा घर भएका बालाविङ सबै भन्दा होटा मानिस घेषणासँगै उनका आमा बाबु र शहरमा खुसीयाली छाएको बीबीसीले जनाएको छ ।

२ वर्षको उमेरमा विरामी परेका बालाविङ त्यसपछि नबढेको उनका बाबु रेनाल्डोले बताएका छन् । बालाविङको उपचारमा संलग्न स्थानिय डाक्टरले समेत समस्या पत्ता लगाउन नसकेको रेनाल्डोले बताए ।

१८ वर्ष पुगेसँगै विश्वको सबैभन्दा होचा मानिसको उपाधि पाएका बालाविङले सबैसँग बसेर आफ्नो जन्मदिन पनि मनाएका छन् । बालाविङ रेन्नोल्डो परिवारका जेठो छोरा हुन् । तर, उनका अनका भाई बहिनीको उचाई भने समान्य रहेको छ ।

Read more »

लोडसेडिङ सातामा १८ घण्टा घट्ने (तालिकासहित)

वैशाख, काठमाडौं । नेपाल विद्युत प्राधिकरणले शुक्रबारदेखि सातामा १८ घण्टा लोडसेडिङको घटाउने भएको छ ।हाल सातामा ९८ घण्टा हुँदै आएको लोडसेडिङ भोलीबाट ८० घण्टामा झार्न लागिएको विद्युत प्रधिकरण भार प्रेशण केन्द्रका प्रमुख चिरन्जिवी शर्माले जानकारी दिनुभयो ।

परिर्वतित तालिका अनुसार अब सातामा चार दिन दिनमा दुई पटक गरी ११ घण्टा र तीन दिन १२ घण्टा लोडसेडिङ हुनेछ । यसअघि दैनिक १४ घण्टा लोडसेडिङ हुँदै आएको थियो ।

Read more »

माओवादीका महरा गृहमन्त्री- गृह नपाएपछी बर्षमान पुनद्धारा राजिनामा,

संचार मन्त्रीमा अग्नी सापकोटा स्वास्थ्य मन्त्रीमा शक्ति बस्नेत शान्ति मन्त्रीमा विश्वनाथ शाह महिला बालबालिका तथा समाज कर्याण मन्त्रीमा जयपुरी घर्ति मगर

काठमाडौं, २१ वैशाख

एकिकृत माओवादीले आफ्नो भागमा परेका मन्त्रालयमा मन्त्रीहरुको नाम तोकेको छ । अध्यक्ष पुषपकमल दाहाल प्रचण्डले पार्टीका तर्फबाट कृष्णबहादुर महराको नेतृत्वमा सात मन्त्री र चार राज्य मन्त्रीको नाम चयन गर्नुभएको हो । पार्टि पदाधिकारीहरुको सुझावका आधारमा अध्यक्ष प्रचण्डले महरालाई उपप्रधान तथा गृहमन्त्रीको रुपमा सिफारिस गर्नभएको छ । महराले यसअघि सम्हाल्दै आउनु भएको संचार मन्त्रीमा अग्नी सापकोटा स्वास्थ्य मन्त्रीमा शक्ति बस्नेत शान्ति मन्त्रीमा विश्वनाथ शाह महिला बालबालिका तथा समाज कर्याण मन्त्रीमा जयपुरी घर्ति मगरको नाम तय गरिएको छ ।

त्यस्तै राम चन्द्र चौधरीलाई भूमिसुधार उद्योमन्त्रीमा महेन्द्र पासवान र युवा तथा खेलकुद मन्त्रीमा हितमान तामाङको नाम तोकिएको छ । अन्य मन्त्रीहरुमा धर्मशिला चापागाई हरिव्दुलाह खाँन धु्रव कुमार लिम्बु र देवी खडकाको नाम तय गरिएको छ । यसैवीच शान्ति मन्त्री वर्षमान पुन अनन्तले भने आफ्नो पदबाट राजीनामा दिनु भएको छ ।

गृहमन्त्रीका रुपमा चर्चामा रहेका उनले सो नपाएपछि राजीनामा दिएको स्रोतको दावी छ । राजिनामा पछि माओवादी अध्यक्ष प्रचण्डले वर्षमान पुनलाई भेट्न बोलाउनु भएको स्रोतले बताएको छ । अनन्तको राजिनामा पछि माओवादी भित्र साम्य भएको भनिएको विवादले फेरी प्राथमिकता पाउने देखीएको छ ।

प्रधानमन्त्री झलनाथ खनालले माओवादीलाई गृहमन्त्रालय दिने निश्चित भएपछि एमाले नेताद्धय माधव कुमार नेपाल र केपी शर्मा ओली गुटले धारणा तय गर्न आन्तरिक तयारी थाल्नु भएको बताइएको छ । केही दिन अघि प्रधानमन्त्री खनालले सम्वन्ध सुधारको लागी भन्दै दुवै नेतासंग निवासमै गएर भेट गर्नुभएको थियो ।

Read more »

ज्योतिष विज्ञान भन्छ– २१ मे २०११ खतरापूर्ण

२१ मे २०११ साँझ ६ बजे भित्र (वि.सं. २०६८/२/७ गते शनिबार) को दिन नेपाल, भारत, चीन, पाकिस्तान र अमेरिकामा राजनीतिक तथा प्राकृतिक ठूला घटना तथा दुर्घटना हुन सक्ने ज्योतिषीय अध्ययन अनुसन्धान र गणितीय हिसाबले देखिएको छ। ज्योतिषीय ग्रहहरूको गणनाअनुसार विश्वमा र नेपालमा ठूलो दैवीप्रकोप अथवा राजनैतिक घटना परिघटना हुने वा ठूला हस्ती मारिन सक्ने अनुसन्धानबाट देखिन्छ। कुनै प्रभावशाली नेताको निधन अथवा हत्या वा दुर्घटनाबाट मृत्युको योग पनि परेको देखिन्छ।
२१ मे २०११ साँझ ६ बजेको कुण्डली तुला लग्नको स्वामी शुक्र सातौं भावमा पीडित भई बसेकाले नेपालको स्वतन्त्र अधिकारमा अरुले हस्तक्षेप गर्ने देखिन्छ तर लग्नमा परेको स्वगृही दृष्टिले तथा बुध, बृहस्पति र मंगलको पूर्णदृष्टिले राष्ट्रिय पहिचानमा विवेकीहरू, बुद्धिजीविहरू, कलाकारहरू र सैनिकहरू जागरुक हुनेछन् साथै सफल पनि हुनेछन्। आठौं भावमा शत्रुक्षेत्री सूर्य पीडित भई बसेको छ तथा अष्टमेश शुक्र सातौं भावमा पीडित भई बसेको छ, जसको प्रभावले शासकीय स्वरूपमा परिवर्तन आउने देखिन्छ भने धर्मभावमा बसेको केतुको प्रभावले धार्मिक संगठनबीच दंगा हुने र अन्तिममा सनातन धर्मावलम्बीले जित्ने देखिन्छ। राहु र चन्द्रमाको तृतीय भावमा परेको विषयोगले कुलतीहरूको व्यापार व्यवसाय गुप्त रूपमा फस्टाउने देखिन्छ। झलनाथ खनालको सरकार बाह्रांै भावको शनिले र तेस्रो भावको चन्द्रमाले डग्मगाउने देखिन्छ। त्यसैले राष्ट्रको दिगो शान्तिको लागि शनि, राहु र सूर्य तथा चन्द्रमाको जय–हवन सरकारको तर्फबाट हुनु आवश्यक छ। होइन भने सोही ग्रहको प्रभावले नेपालको राजनीतिक धरातलमा जो कोही हस्तीको अवसान गर्ने गराउने कामसमेत नहोला भन्न सकिन्न। नेपालमा राजनीतिक उथलपुथल मच्चिन्छ। राष्ट्रिय एकतामा आँच आउने एवं राष्ट्रिय अखण्डतालाई टुक्राउने तत्वहरू सक्रिय हुनेछन् तर त्यसको मुकाविला राष्ट्रवादी शक्ति र नेपाली सेनाले गर्ने हुँदा केही रक्तपातको स्थिति पनि नआउला भन्न सकिँदैन। जसमा राष्ट्रवादी शक्ति (सेनाको विजय हुने योग देखिन्छ। ठाउँ ठाउँमा साम्प्रदायिक दंगा, धार्मिक आतंकवाद र आपराधिक गिरोहहरूले उद्दण्डता मच्चाउने प्रबल योग देखिन्छ। प्रहरी प्रशासनमा भ्रष्टाचार व्याप्त हुने र केही प्रहरीका उच्च अधिकृतहरू कानुनी दायरामा पर्ने योग परेको छ। भारतमा अष्टमा सूर्यको प्रभावले जुनसुकै क्षेत्रमा पनि ठूला ठूला आगजनी र चन्द्रमाको प्रभावले सामुद्रिक आँधीबाट जनधनको क्षति हुने देखिन्छ। केन्द्रमा बसेको शुक्र र मंगलको विरोधपूर्ण योगले भारतको नयाँ दिल्लीमा आतंकवादी हमला हुने देखिन्छ। धार्मिक, साम्प्रदायिक ठूला घटना घट्नेछन् जसको प्रभाव नेपालमा समेत पर्नेछ। जापानमा भने राहुसँग बसेको चन्द्रमाको प्रभावले फेरि पनि सुनामी र भुईंचालोको सम्भावना देखाउँछ। उत्तरी छिमेकी राष्ट्र चीनमा पनि साम्प्रदायिक दंगा र तिब्बतको विषयलाई लिएर युद्ध भड्किने तथा प्राकृतिक प्रकोपका घटना हुनसक्ने प्रबल योग ग्रह गोचरबाट देखिन्छ। पाकिस्तानमा आतंकवादी तत्वहरू सक्रिय हुने धेरै धनजनको क्षति हुने र हिंसा भड्किने, राजनीतिक उथलपुथल हुने योग देखिन्छ। अमेरिकामा पनि आतंकवादी हमला हुनसक्ने र ठूलो दैवी प्रकोपको घटना हुनसक्ने योग देखिन्छ।
आश्चर्यजनक कुरो के छ भने जेठ ७ गतेको कुण्डली उपर्युक्त राष्ट्रहरूको एउटै पर्न गएको छ। त्यसैले विश्वमा देखिने घटनाक्रम पनि पालैसँग थोरै प्रकृतिको हुनसक्ने योग देखिन्छ। हुन त त्यसदिन विश्वमै महाप्रलय हुने भन्ने भारत र अमेरिकाका कतिपय ज्योतिष र भूगर्भविद्हरूले दावी गर्दै आए तापनि महाप्रलय नै हुने देखिदैन। नेपालको हकमा उक्त दिनदेखि पछाडि नेता र राजनीतिक दलहरूप्रति जनतामा वितृष्णा फैलिने र घृणा जाग्ने हुँदा अर्को नयाँ परिवर्तनको चाहना शान्ति र समृद्धिका लागि तीव्र हुनेछ। जनतामा धार्मिक र आध्यात्मिक चेतनाको खोजी सशक्त रूपमा बढेर जानेछ कुण्डलीको ग्रहस्थिति हेर्दा नेपालको पूर्वी तराई र राजधानीमा विस्फोटन, आपराधिक गतिविधि तीव्र हुनेछ भने प्रहरी प्रशासन कमजोर र निरीह बन्नेछ। त्यस अवस्थामा सेना शान्तिका लागि सक्रिय बन्नेछ। २१ मे २०११, २०६८ जेठ ७ गते शनिबार साँझ ६ बजेदेखि नेपाललगायत छिमेकी राष्ट्रहरू र विश्वमा हुने घटनाक्रमलाई हेर्न बाँकी नै छ, त्यसपछिको घटनालाई ग्रहहरूको योगको आधारमा थप भविष्यवाणी गर्नु उपयुक्त हुन्छ। -- ज्योतिषाचार्य शालिग्राम ढकाल

Read more »

लादेन मारिएको दृश्य "ह्वाइट हाउसमा लाइभ" हेरेका थिए ओबामाले

२४ घण्टा भइसक्यो, तर अझै पनि विश्वभरका मिडिया ओसामा बिन लादेनको मृत्युको खबर पछ्याइरहेका छन्, त्यसपछाडिका कुरा खोतलिरहेका छन्। बेलायती पत्रिका सनका अनुसार, लादेन मारिएको दृश्य ह्वाइट हाउसमा राष्ट्रपति बाराक ओबामाले लाइभ हेरेका थिए। लादेनलाई मार्न गएको अमेरिकी सेनाको विशेष समूहले आफ्नो टाउकोमा क्यामेरा जडान गरेका थिए, त्यही क्यामेराबाट प्रत्यक्ष प्रसारण भएको दृश्य ओबामा र उनका निकट सहयोगीहरुले हेरेका रहेछन्।
पाकिस्तानको अब्बोत्ताबादमा १० लाख अमेरिकी डलरको लगानीमा बनेको एउटा तीन तल्ले घर थियो। निकै सुरक्षा अपनाइएको। अमेरिकी जासुसी एजेन्सी सीआइएलाई चार वर्षअघि नै त्यो घरबारे शंका लागेको थियो। त्यो घरमा फोन र इन्टरनेटको लिङ्क छैन भन्ने थाहा पाएपछि त सीआइए झनै शंकालु बन्यो। आफू कहाँ बसेको हो स्याटेलाइटले ट्र्याक गर्छ भनेर होला बिन लादेनले यस्ता विद्युतीय सञ्चार चलाउँदैन थिए।
घरमा बस्ने बिन लादेनै हो भन्ने निधो भएपछि अमेरिकी राष्ट्रपतिले त्यहाँ आक्रमण गर्ने निर्देशन दिए। सुरुमा त त्यहाँ बम खसाउने कि भन्ने कुरा भएको थियो। तर बम हान्दा बस्तीका अरु पनि मर्न सक्ने भएकोले स्थल कारबाही गर्ने निर्णय भएको रहेछ।
आक्रमणको आदेश पाएपछि चार वटा नाइटभिजन हेलिकप्टर उडे बिन लादेन बसेको घरमाथि। दुई दर्जन अमेरिकी एलिट स्पेसल फोर्सका सैनिक हेलिकप्टरको डोरीबाट घरको छतमा झरे। भिडन्त भयो। उनीहरु लादेन बसेकै कोठामा पुगे। एक अरबी भाषा जान्ने सैनिकले आत्मसमर्पण गर्न भने, तर उनले मानेनन्। उनी आफ्नी पत्‍नीको पछाडि गए, मानव ढाल बनाउने प्रयास थियो त्यो उनको। उनी थिइन् लादेनकी कान्छी स्वास्नी २७ वर्षकी यमनमा जन्मिएकी अमल अहमद अल सदाह।

एक सैनिकले प्वाइन्ट ब्ल्याङ्क रेन्जमा दुई आँखाको बीचमा गोली हाने। अर्को गोली उनको छातीमा लाग्यो।

सब दृश्य हेरिरहेका थिए ओबामाले ह्वाइट हाउसमा ती सैनिकको हेल्मेटमा भएको क्यामेराबाट। लादेन मारिएपछि ओबामाले ‘वि गट हिम’ भनेछन्।

४० मिनेटमा काम तमाम गरेर लादेनको शव लिएर उनीहरु फर्किए।
शव लादेनको प्रमाणित भएपछि ओबामाले राष्ट्रको नाममा सम्बोधन गरे।
लादेनको शवमा गह्रुँगा ब्याग बाँधियो र समुद्रमा छाडियो। अन्त्येष्टि सम्पन्न। र, लादेनलाई समाप्त गर्ने जेरोनिमो कोड नाम दिइएको अपरेसन पनि सकियो। (फोटो, स्रोतः सन)

अमेरिकाको न्युयोर्क टाइम्सले दिएको जानकारी भने अलि बेग्लै छ-

राष्ट्रपति ओबामा र उनका सहयोगीहरु ह्वाइट हाउसको सिचुएसन रुपममा भेला भएका थिए। उनीहरुले अपरेसन के भइरहेको छ भन्ने बारे तत्काल जानकारी पाइरहेका थिए। भिडियो स्क्रिनमा सीआइएका निर्देशक Leon E. Panetta थिए। उनले पाकिस्तानमा के भइरहेको छ भनी आफ्नो मुख्यालयबाट जानकारी दिँदै थिए। बिन लादेनलाई जेरोनिमो कोड नाम दिइएको थियो।

“उनीहरु लक्ष्यमा पुगे”, सीआइए निर्देशकले भने।

धेरै मिनेट बिते।

“हामीसँग जेरोनिमको भिडियो छ”, उनले भने।

केही मिनेटपछि उनले भने, “जेरोनिमो एकिया”

एकिया अर्थात् EKIA‍‍= Enemy Killed In Action

बल्ल राष्ट्रपतिले बोले- “वि गट हिम”

Read more »

दमौलीमा खुकुरी प्रहारबाट एक युवाक गम्भिर र्घाईते

दमौलीमा मंगलबार साँझ अज्ञात समुहको खुकुरी प्रहारबाट  व्यास-११ बस्ने २६ वषर्ीय राजु थापा गम्भिर र्घाईते भएको छन् । उनको दमौली अस्पतालमा उपचार हुन नसकेपछि थप उपचारका लागि पोखरा पठाइएको जिल्ला प्रहरी कार्यलय तनहुँले बताएको छ । घाइते थापाको टाउकाको दाँया भागमा गम्भिर चोट लागेको बताइएको छ । खुकुरी प्रहार गर्ने घटनामा संलग्न भएको आशंकमा तीन जना युवालाई नियन्त्रणमा लिई आवश्यक अनुसन्धान भइरहेको जिल्ला प्रहरी कार्यालय तनहुँले जनाएको छ ।                                                          from:    हाम्रो तनहुँ

Read more »