तनहुँ: मलामी चढेको बस दुर्घटना हुँदा २० जना घाइते

 तनहुँ, फागुन २६- लास जलाउनका लागि मलामी चढेर आउँदै गरेको बस दुर्घटना हुदाँ तनहुँमा बिहीबार साँझ २० मलामी घाइते भएका छन्। घाइतेमध्ये १० जनाको अवस्था गम्भीर छ।तनहुँको अरुणोदयबाट शव लिएर आउँदै गरेको ग १ ख २१४३ नम्बरको बस अरुणोदय- ५, ओख्लेपानीमा सडकदेखी करिब २० मिटर तल खसेको प्रहरीले जनाएको छ। घाइते मध्ये सबै अरुणोदय गाविसका बासिन्दा रहेका छन्।

Read more »

तनहुँ: ट्रकको ठक्करबाट महिलाको मृत्यु "डुम्रे-आँबुखैरेनी सडकखण्ड अवरुद्ध"

२६ फागुन, दमौली । पृथ्वी राजमार्गअन्तर्गत तनहुँको बन्दीपुरमा ट्रकको ठक्करबाट विहीबार विहान एक महिलाको मृत्यु भएको छ । मृत्यु हुनेमा स्याम्घा गाविस-९ की ५० वर्षीया मनुमाया पौडेल रहेको प्रहरीले जनाएको छ ।

चितवनको नारायणगढबाट पोखराका लागि छुटेको ना ३ ख ८२२ नम्बरको ट्रकले बाटो काट्दै गरेकी पौडेललाई बन्दीपुर-८, याम्पाफाँटमा ठक्कर दिएको थियो । ट्रकको ठक्करबाट पौडेलको घटनास्थलमै मृत्यु भएको थियो ।

Read more »

नेपाल-ओलीद्वारा प्रधानमन्त्रीको चियापान बहिस्कार

सरकार असफल भन्नेहरूको हेराइ नै असफल: प्रधानमन्त्री

१ वैशाख, काठमाडौं । नयाँ बर्ष २०६८ को अबसरमा प्रधानमन्त्री झलनाथ खनालले आयोजना गरेको चियापान एमाले बरिष्ठ नेताहरुले बहिस्कार गरेका छन् ।
पार्टी अध्यक्षसमेत रहेका प्रधानमन्त्री खनालले अपरान्ह १ बजेपछि बालुवाटारमा आयोजना गरिएको चियापानमा बरिष्ठ नेता माधवकुमार नेपाल, नेता केपी ओली र महासचिव इश्वर पोखरेल नै उपस्थीत भएनन् ।
पछिल्लो समयमा खनालको कार्यशैलीप्रति रुष्ट रहेका नेपाल ओली पक्ष आफ्नो असुन्तुष्टि देखाउन चियापान बहिस्कार गरेको बताइएको छ । माओवादीलाई गृहमन्त्रालय नदिन दबाव दिने उदेश्यले बालुवाटार जान खोजेका नेता ओलीलाई त्यहाँ प्रवेश नदिएपछि फर्केका थिए । त्यसपछि ओली बालुवाटार गएका छैनन् ।
प्रधानमन्त्रीका प्रेस सल्लाहाकार सूर्य थापाले भने पार्टीकै बरिष्ठ नेताहरुले चियापान बहिस्कार गरेको आफुलाई ‘याद नभएको’ बताउनुभो । थापाले भन्नुभयो-कार्यब्यस्तताका कारण नआउनुभएको होला, तर आउँदिन भनेर जानकारी गराउनुभएको थिएन् ।’
चियापानमा राष्ट्रपति, उपराष्ट्रपति, सभामुख सुवाषचन्द्र नेम्वाङ, माओवादी अध्यक्ष प्रचण्ड, कांग्रेस बरिष्ठ नेता शेरबहादुर देउवा लगायतका शिर्ष नेताहरुको उपस्थीति थियो । कांग्रेस सभापति शुशिल कोइराला र संसदीय दलका नेता रामचन्द्र पौडेल पनि चियापानमा उपस्थीत थिएनन् ।
हेराई नै असफलः खनाल
यसैवीच प्रधानमन्त्री खनालले सरकार असफल भयो भन्नेहरुको हेराईमै असफलता रहेको दावी गर्नुभएको छ । चियापान कार्यक्रममा उपस्थीत खनालले संचारकर्मीसंग कुरा गर्दै यो सरकार शान्ति र संबिधानको मिसनसहित गठन भएकाले मिसन पुरा नभएसम्म सरकार निरन्तर अघि बढ्ने बताउनुभयो ।
प्रधानमन्त्री खनालले पार्टीभित्रका र सत्तारुढ दलसंग सम्बन्धीत समस्या समाधान गरेर ब्यापक एकतामा आधारित सरकारको रुपमा बिकाश गर्दै लैजाने दावी गर्नुभयो ।

Read more »