ज्युँदै सभासदको श्राद्ध गर्दै हिँड्ने पक्राउ

६०१ जना सभासदको श्राद्ध गर्दै हिँड्ने एक जनालाइ प्रहरीले पक्राउ गरेको छ । आइतबार समयमा संविधान नबनाएको भन्दै ६०१ जना सभासदको श्राद्ध गर्दै हिँडेका राकेश कुमार शर्मालाई प्रहरीले पोखराबाट पक्राउ गरेको छ । पोखरामा श्राद्ध गरिरहेको अवस्थामा शर्मालाई प्रहरीले पक्राउ गरेको हो । ज्युँदो अवस्थामै सभासद्हरुको श्राद्ध गरेको भन्दै वडा प्रहरी कार्यालय बैदामबाट खटिएको प्रहरीले उनलाई पक्राउ गरेको हो । ६०१ जना सभासदहरुको कार्टुनसहित १० महिने मासिक श्राद्ध उनले पोखराको पृथ्वीचोकमा गरेका थिए । शर्मालाई बैदामको प्रहरी हिरासतमा राखिएको प्रहरीले जनाएको छ ।